బాలాంత్రపు రజనీకాంతరావు కన్నుమూత

Updated: April 22, 2018 11:06:20 AM (IST)

Estimated Reading Time: 3 minutes, 0 seconds

బాలాంత్రపు రజనీకాంతరావు కన్నుమూత

బహుముఖ ప్రఙ్ఞాశాలి. గాయకుడు, వాగ్గేయకారుడు, రచయిత, స్వరకర్త. తొలితరం సంగీత దర్శకుల్లో ఒకరైన బాలాంత్రపు రజనీ కాంత రావు గారు ఈ రోజు ఉదయమే విజయవాడలో తన కుమారుడి ఇంటిలో కాల ధర్మం  చేసారు.

పశ్చిమగోదావరి జిల్లా నిడదోలులో రజనీకాంత రావు జన్మించిన ఈయన తొలితరం సంగీత దర్శకుల్లో బాలాంత్రపు ఒకరు.  ఆకాశవాణిని జనరంజకం చేసిన పలువురు కళాకారుల్లో రజనీకాంతరావు ముఖ్యులు.

 తెలుగువారి ‘ధర్మ సందేహాలు’ ఉషశ్రీ ద్వారా నివృత్తి చేయించింది ఈయనే. కార్మికుల కార్యక్రమం, వనితా వాణి... ఏ కార్యక్రమమైనా దాని సిగ్నేచర్‌ ట్యూన్‌ ‘బాలాంత్రపు’ బాణీనే. కృష్ణశాసి్త్ర పాటలోని మాధుర్యమైనా, శ్రీశ్రీ రాసిన నాటికల రేడియో ప్రసారాలైనా, చలం ఇంటర్వ్యూ అయినా ఆయనకు మాత్రమే సాధ్యమనిపిస్తాయి. 

లలిత సంగీతం, యక్షగానాలతో శ్రోతల అభిమానాన్ని సంపాదించారు. ఆయన భక్తిరంజని, ధర్మసందేహాలు వంటి కార్యక్రమాలతో అందరికి సుపరిచితుడు.  ఆకాశవాణి కేంద్రంలో స్వరకర్తగా, గీతరచయితగా, సంచాలకునిగా పలు బాధ్యతలు నిర్వర్తించి రేడియోశ్రోతలను అలరించారు 

 

రజనీగా ప్రసిద్ధులైన బాలాంత్రపు రజనీకాంతరావు గారి సంగీతసారధ్యంలో వినవచ్చే మేలుకొలుపు, తరవాత రజని స్వయంగా రచించి, స్వరపరచి, రమణ మూర్తి, లక్షి గార్లు పాడిన సూర్య స్తుతి

ప్రతి ఆదివారం

కామెంట్స్